ود الرضي: تيهي فوق العز والنفل

..............................................................
اغنية: تيهي فوق العز و النفل
كلمات : محمد ود الرضي
ألحان : الحاج محمد أحمد سرور
غناء : عبد الله الماحي
مشاركة أداء : مبارك حسن بركات
.............................................................
تيهي فوق العز و النفل
يا ليلى قول حسادك أفل
..
ليلى ليلى ليلك سدل
فيك عليل الصبا معتدل
..
النجم بي بهاك ليلى دل
والفهيم بالآيه استدل
...
فيك كل الخير انبهل
والعفاف المزجو الجهل
..
بالسرور كل وجه استهل
والجميع لله ابتهل
...
ليلى قدرك ما انجهل
ليلى سعدك هدا شهرو هل
..
بالطرب كل عقل انذهل
المهل ياليلى المهل
...
المبطر مال واعتدل
والمرجرج طاوى البدل
..
جندل الفرسان اب جدل
ماعليهو اتبختر قدل
...
ماح حتل فوق هيبة ونفل
هل بدرو وطمح الكفل
..
بي المنير التام ما أفل
استقل ورفد الحفل
...
جر توب الهيبة الرفل
زان جميع الجيل الحفل
..
شعرو ريش هضليماً جفل
فكري عن تصويرو انقفل
...
المدلل مهما فعل
الخدود النورن شعل
..
الجبين النافي الزعل
ياسعادة الام والبعل
..
اللتانه قول والوحل
والطريف الحبكو الكحل
..
ورى كيف الغيم الرحل
يا الخريف العقب المحل
...

..

..

..

.. حذو ..