عبيد عبدالرحمن: انا مابقطف زهورك

أنا ما بقطف زهورك

كلمات عبيد عبد الرحمن

ألحان: الحاج محمد أحمد سرور
أداء الأصلي: إبراهيم الكاشف
::::::::::

أنا ما بقطف زهورك
بس بعاين بعيوني
يا الغصن في نهورك
يا البدر في خدورك
مترقب ظهورك
أتأمل في محاسنك
واتمتع بي مناظرك
وأتوسع في فنوني
أعايني تفسيرك
وما بشكي لي غيرك
أضناني تفكيرك

يا الرمز حيرني
وهواكا صيرني
أتحدا العزلوني
لازلت مأسورك
ما قادر أزورك
ملأ العيون نورك
كشف الظلام بسمك
وتجلا لي رسمك
شخصك ملا عيوني

لعبت بي دورك
وسبحت في بحورك
أصبحت مسحورك
عرفت أوزانك
وعزفت ألحانك
آهات تواليني
يا العالي موهوبك
يا الراقي اسلوبك
الناس ينسوبك
يا العالي تعليمك
أنا من مظاليمك
إيه ذنبي وريني
يا حبيبي