مرحب بك بك زائرنا علي منتديات نجوم الفن السوداني


 
الرئيسيةالرئيسية  مكتبة الصورمكتبة الصور  س .و .جس .و .ج  بحـثبحـث  الأعضاءالأعضاء  المجموعاتالمجموعات  التسجيلالتسجيل  دخول  

شاطر | 
 

 محمد ود الرضي: يمدح الشيخ النظيف الخليفة أحمد بدر

اذهب الى الأسفل 
كاتب الموضوعرسالة
حذيفه محمد ود المسعوديه
Admin
avatar

عدد المساهمات : 361
تاريخ التسجيل : 22/11/2014
العمر : 28
الموقع : http://sudan.banouta.net

مُساهمةموضوع: محمد ود الرضي: يمدح الشيخ النظيف الخليفة أحمد بدر   الخميس أبريل 26, 2018 6:25 pm

بسم الله الرحمن الرحيم
قصيدة ود الرضي
بسم الله بادئ وعندي حقائق أقولها
شوف العين صحيح ميها مزيفة ومنقولة
أحب أهل العقول الصافيات يصغولها
على نسل السلالة الطاهرة مي مزقولة
*********
أبو أحمد وسيلتي البفرح الغضبان
الفوقو بنوم متمددا طربان
من عين الحسود حويتو لي امضبان
بقعة مجتمع أهل الله والحبان
**********
كم طفَّى نيرانا في النفوس مشتعلة
سلطان الهوى يلهبها وهي تعلى
يا مولاي أمرو يسري على كل أمر يعلى
بي حرمة طائفين مكة ودفين المعلا
**********
كم عمّر بيوتا ما لهن بداية
وكم أصلح قلوبا قبلتها اللنداية
ضالات النفوس أبو الحسن هدَّايا
بحرك ارتفع مركب أبوك عداية
**********
.......... لي الكازاه علقم وبي الأهالي شفوق
بحرك ارتفع مد البصر لا فوق
صايب المرمى سهمك بالأجل مرفوق
***********
أبو الطيب وسيلة وكعبة لي الآملين
كم أصلح شبك تشهد بها الكاملين
أبواتك سوى لله ما عاملين
وجدك كم لي أشقياء حولهم كاملين
***************
يا مدرس كتاب الله يا نخبة الدالين
كان رمزك ينوه لي بعدك ولا الضآلين
قلوب العالمين عليك مندلين
لأنك خازن سر كن ماك خازن الملين
**********
حيرانك يعمروا الحلقة مش اتنين
كايل وكاسي ليهم ومزوجهم اتنين
واحياء الليالي الجمعة والاتنين
واقامة الصلاة راتب شهور وسنين
**********
ما خدَّاع لا والله ماك هادان
طبلك دقَّ حيرانك طرابا بدان
معنا وحسا فارس حوبة الميدان
نيلا ماك سرف يا راحة الأبدان
***********
من قومة الجهل سوحك رتوع الطشوا
حوارك مو مغبَّن ديمة أبيض وشو
حوشك للدواب وافر علوقو وقشو
شايل الحمول زمن الرجال ما بعشوا
**********
أبوك كان قربك واهتم بي الهاماك
نظرتو فيك حميدة وبي النظيف سماك
ساعة أجله بي درعه الحصين عماك
يا الما صليت فذ من قمت طال سماك
**********
جيت من ود حسونة الجايدات كفاتو
قدومك ليهو في الحالين وجد لكفاتو
ساعة الاحتضار كانت أبوك صفاتو
يسأل عنك لمن جيت حضرت وفاتو
**************
أشخص بصرو فيك وضمك إلى صدرو
أودع سرو فيك وفيك أشرق بدرو
الداير قصار عمرو ودمو يهدرو
اللي يتجاسر عليك! بي إيدو يهدم جدرو
*******
.........................................
.................. أبوك كان بريدك وعاجبو
وعملك لوجه الله مافي حاجبا حاجبو
شبل الضاري مين يقدم قريب لي حاجبو
****************
في زمن الصبا كم كم دخل صمدية
ساحتك خصبة للزيار رحيبة ندية
خليقة معاهو كانت صولتو الأسدية
لجملة أبواتو رضاي بي خدم وهدية
**********
كم وكم اتبعك كان ابوك الطاهر
لمن وجدك ابنو عاجبو وقلبك طاهر
بطل الصافنات من قمت كنت القاهر
بطران والسحر يلقاك مناجي وساهر
*********
في الثلث الأخير نالت الفتوح نجواتو
بالسجدة ام خشوع والدمعة داب أبواتو
من ما قام مناخ أهل الصرم خلواتو
طيب العشرة بار بي أحياءه وأمواتو
***********
دام للضعفاء مبهول كفو ما له واكي
نشيطا من نشأ مشمر يسر الحاكي
ضراع المصطرم يتولى هم الشاكي
نفاض الغبار قشاش دموع الباكي
**********
مد في آيامو ربي ومده مددا طيب
يمشي ديدنو ونحس الليالي يطيب
يجدد لي زمان السلفوا زمنا طيب
ناس حسب الرسول القبلوا حاج الطيب
***********
الصلاة والسلام ترضي الحيا الغلمان
عدم علم الإله والرسل لا سليمان
ما قام الشجر والنبت لا الرمان
ما دقت طبول وتمايلت قيمان
تنجي ابن الرضي من شقا وحرمان
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://sudan.banouta.net
 
محمد ود الرضي: يمدح الشيخ النظيف الخليفة أحمد بدر
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: مكتبة الشعر السوداني :: شعراء الحقيبه :: مكتبة الشاعر ود الرضي-
انتقل الى: