الجاغريو: اب نفلين

الشاعر احمد محمد الشيخ الجاغريو

كلمات الشاعر احمد محمد الشيخ الجاغريو وهى من اغانى الحماسة الجميلة وقد تغنى بها الفنان خلف الله حمد...


أنا غنيت على أب نفلين 
يا سيدي الرسول تنجوه من العين 

الليله اللدر* بتمشى في الوديان 
طالع من القيف ومن الغضب مليان
بعزل في الجواميس ما بكشكش الغزلان
بتذكر حديثها وخدها النديان

برز في الميدان بتطلع المجهول 
وبطرنه البنات ساعة الضجيج والهول
ده أب نفسا رضيه الحقه فيها القول
ده أب سيفا بشلع الخوده وبقسم الزول

الليله الجنيات في الوادي ليهم صوت 
يضحك مانجلن*ساعة الكتال مبسوط
يتبسم يجيك من تبّ هيله الفوت
وما بيأسف على الروح الوراها الموت


*اللدر : التمساح 
*مانجلن : رئيسهم