صالح عبدالسيد "ابوصلاح" .. اجسامنا ليه جسمين

......................................................
اغنية: اجسامنا ليه جسمين
كلمات:صالح عبدالسيد "ابوصلاح"
الحان وغناء:عبدالكريم عبدالله مختار "كرومه"
اداء: اولاد المورده
.....................................................

اجسامنا ليه جسمين
روحنا واحدة وليه اتقسمت قسمين
شئ عجيب في غرامك يا فريع ياسمين
...
انا ياحبيبي تجدني علي هواك امين
وفؤادي يحجزوعن افكاري في التخمين
..
وحواسي تحسد نظري لحسنكم تضمين
و شمالي تاخدو الغيرة اذا جلست يمين
...
فيك يا حبيبي اثنين اللي المنام سالبين
هم شـالو نوم عيني و للضمير تاعبين
..
بي وجهك الكوكب يجهرني ساعة يبين
وبي قامتك اليايات الفي الصدير لاعبين
..
من المنام ما معاي و لا ستة من ستين
عندي التلت من عقلي وعندك التلتين
..
شايقاني بسمة فاهك در عقيدو متين
لولاها مالي صالح في الزلال و التين
...
يامن اسرت فؤادي ملكتو في اليدين
ياملفت الانظار ياناير الخدين
..
نحن الجميع مادمنا قلوبنا متحدين
تبقي الصداقة قرابة و نكسب الودين
...
يالفريد في ظرفك زي صداقتك وين
مااظن تكون ولا بدعت قبل في التكوين
..
علي صحيفة قلبي تدونت تدوين
و دين محمد حق لا يقبل التلوين
...

..


..



..



..




.. حذو ..