صالح عبدالسيد "ابو صلاح" .. لحظك الجراح

.....................................................................
اغنية: لحظك الجراح
كلمات: صالح عبدالسيد "ابو صلاح"
الحان وغناء: الحاج محمد احمد "سرور"
......................................................................
لحظك الجراح .. أذاي فيه وفيهو الطرب والراح
مناى زهرة الأفراح
..
للقلوب سراح .. مبتعد شئ عجيب مسجون وعنده سراح
بى ضاق الكون لا اجد لو براح .. منى فارق وشال نوم عيوني وراح
..
عمري أضحى مباح .. في الغرام لا اقصد غير لقاك أرباح
سرى ليك يباح .. في الظلام تتبسم وليلى يبقى صباح
..
جيش غرامك زاح .. هد حصن المهجة ولى دماي نزاح
عقلي كاد ينزاح .. قولي هجرك جد يا جافى ولا مزاح
..
ليك محي وضاح .. وليك جبين بى نور ماء الجمال نضاح
والدمع فضاح .. بى سر هواي و البى تعلم به دون إيضاح
..
ليك مغرم صاح .. يا خلاصة حسن العجم والفصاح
بى جنون يا صاح .. من بعادك هل بى قربك القى نصاح
..
تعبت الاصفاح .. وطرفي جافى النوم من طيب عبيره الفاح
بين عيونه صفاح .. في مبيسمه عقد الدر وفى صدره جوز تفاح
..
..
..
..
.. حذو ..