صالح عبدالسيد "ابوصلاح" .. بدور القلعه

....................................................
اغنية: بدور القلعه
كلمات: صالح عبدالسيد "ابو صلاح"
الحان وغناء: عبدالكريم عبدالله مختار "كرومه"
اداء: مبارك حسن بركات
....................................................

العيون النوركن بجهرا
غير جمالكن مين السهرا
يا بدور القلعة وجوهرا
..
السيوف الحاظك تشهرا
علي الفؤاد من بدري انهرا
اخفي ريدي مرة واجهرا
نار غرامك ربك يقهرا
..
صيدة غيرك ايه الجسرا
تستلم افكارنا وتأسرا
حال محاسنك مين الفسرا
يا الثريا الفوق اهل الثرا
..
الصدير اعطافك فترا
والنهيد باع فينا واشترا
الوضيب اقدامك سترا
لقطيهو قلوبنا البعثرا
..
عالي صدرك لي خصرك ضرا
فيهو جوز رمان جل البرا
الخطيبة وردفك منبرا
الشعور البسطل عنبرا
..
هل حبيبي نسي ام لي طرا
يا ام شلوخا عشرة مسطرا
النسايم بالند عطرا
ده الدفق لي دموعي ومطرا
..
جارحة صالح كل ما يحضرا
وفي مدينة الجوف ساكن الضرا
الرشيم والرشمة الخضرا
زي فريع في موية منضرا
..
حفلة يا ابو الحاج اتذكرا
ورنة الصفارة اتفكرا
وهبة بي مزيكتو اتحكرا
كم طرب افكارنا وسكرا
..
البدور النارت مسفرا
قاصدة تشتري قلوبنا تسفرا
عبد الرحمن دمت بتظفرا
بي نعيم وحظوظ متوفرا
..

..

..

..


.. حذو ..