صالح عبدالسيد "ابو صلاح" .. اعطف علي ياريم

…………………………………… .................
اغنية: اعطف على يا ريم
كلمات: صاح عبدالسيد "ابوصلاح"
الحان وغناء: الحاج محمد احمد "سرور"
…………………………………… ..................
أعطف على يا ريم يا نافر الغزلان
خصرك رقيق وعلى قلبك حجر ما لان
...
بحسب دقايق الليل أنا والنجم زملان
متابع هواك ومجافي الأهل والخلان
..
يالعالي صدرك مال وضميرك الهزلان
يوم عيني تنظر خدك لو مت ما زعلان
...
أنا يا جميل بهواك فعلا وقول لسان
بالنغمة تسكرني وبالنظرة والميسان
..
فادع رجح خصرك ولى سيف لحاظك سان
وأنا يا مدلل قصدى من الحسن احسان
...
يا أكحل العينين يا ناير الأوجان
شكلك يشيل ويريع قلب الأنس والجان
..
شفنا البدور تسرج من بسمتك سرجان
ما بين بياض الدر وخضرة المرجان
…
زى طلعة البدر من نور جبينك بان
بيك نغمة القمرى وميلان فـريع البان
..
كم من عـشوق محتار بحبكم ولهان
من ذكرتك يتمايل بالفرح طربان
...
يا آية الحسن وريحانة السودان
وغاية محاسن الجيل فى كافة البلدان
..
ساكن بشاطئ النيل وبداخل الأبدان
في حارة فيها محاسن جنة الولدان
...