مصطفي بطران: الناعس المكحول

................................................
اغنية: الناعس المكحول
كلمات: الشاعر مصطفي بطران
الحان وغناء: الفنان الحاج محمد احمد سرور
اداء: الفنان بادي محمد الطيب
..................................................
يا الناعس المحكول .. كيف حالك انت الان
لي ما يقارب الحول .. لي يوم لقاءك ظمان
..
يا الناعس المكحول .. ضاق بي كل مكان
ما انابني غير نحول .. أما الفؤاد هلاكان
لا قوة بي لا حول .. صدري يقيد بركان
ادور عن غرامك احول .. مالقيته في الامكان
..
اوعدني لو بمطول .. خليك دوام فكران
زيد في دلالك وطول .. واصفي لي لو عكران
يالبي صباك مسطول .. انا في هواي سكران
يمكن صدودك يطول .. تنكر هواي نكران
..
يا غاية المأمول ..ويا بهجة الازمان
زيد حسنك المجمول .. حسن ظروفي كمان
زيل عن فؤادي حمول .. في الوصل ما عشمان
دعني برضاك مشمول .. يمكني يطيب لي زمان
..
يا سيدي مهما اقول .. معني وقوافي متان
ما اظن اجيد القول .. في حسنك الفتان
من قولي والمنقول .. ليك في الوصف شتان
زي فاكهة بين حقول .. او زهره في بستان
..
بي عطفك المفقول .. وبي طرفك النعسان
وبي فاهك المشغول .. در من دراري حسان
بي عنقك المصقول .. بي عودك الميسان
حيرتا فينا عقول .. واجهلت كل لسان
..
طول هجري ماهو اصول .. واذكرني لو أحيان
نومي من جفاك موصول .. قلبي بي هواك مليان
راسمالي والمعقول .. تفكيري والهذيان
هل لي سماك وصول .. لمتين اراك عيان
..

..

..

..

.. حذو ..