صالح عبدالسيد "ابوصلاح" .. من قليبا الجافي

........................................................
اغنية: من قليبا الجافي
كلمات: الشاعر صلاح عبدالسيد "ابو صلاح"
الحان وغناء: عمر البنا
اداء: ميرغني المامون واحمد حسن حمعه
.............................................................
من قليبا الجافي ولى قليبي الحان
النسيم يتردد عامل امتحان
..
الغضون تتناول منه خمر الحان
والطيور تتناشد رايق الألحان
والفروع تتمايل ميلة الفرحان
والزهور بتصفق ويرقص الريحان
..
يا نسيم ما بالك تتنى قامة البان
إنت رايق تلعب والعشوق تعبان
اكتشف ما دائي وما الدواء الصعبان
هل دا جرحا بالغ أم دا سم ثعبان
..
قال لي لازم جرحك مدة الأزمان
لا روايحى تطبك لا ولا لقمان
البداوى جروحك إن شفتو يا سقمان
في عصير الند البنضحو الرمان
..
يا الغرامك حلا ورحل السكان
من مدائن جوفي تملك الأركان
ما ألذ النار السارجه بى لو كان
يبقى قلبي وقلبك في الغرام شركان
..
قلبي لا يسلاك ولا يطيق نكران
بين شاهد جفني دموع وكران
درعك البتقمز بالوضيب عكران
والضمير الميل صاحي أم سكران
..
صاحي سياف لحظك والطريف نعسان
ليك رشرش قاطع جندل الفرسان
إنت بدرا ساطع في قوام إنسان
ليك حسن الدنيا ولى شعر حسان
..
إنت حسنك كامل والعشوق كملان
طش عقلو الهامل فارق الزملان
في المنام يتقدل طيفك العطلان
والحجارة اتنت لو قليبك لان
..
الدوش أفكارى وربا لي جنان
خمرة تمزج لينه وتسقى در أسنان
رق يسطل سمعي لهيجك الرنان
إنت ناس في دنيا ولا حور في جنان

..

..

..

.. حذو ..