ود الرضي: هوي الخلخال

……………………………………………………………… .
اغنية: (هوي الخلخال)روح واعرض حالي
كلمات: محمد ود الرضي
الحان وغناء:عبدالله الماحي
…………………………………………………………… .
روح واعرض حالي لي حبيب الروح
جيبلى طيب الحالي يانسيم الليل
..
قولو نام الخالي وهو يتخيل
رنة الخلخالي
بالنظر اسخي لي هنئ بى رؤياك
الحياة الماسخالى
..
النسيم هبى لي يا حسينت الذات
الجمر هبى لي
ياحبيب رحماك لا تزيد بلبالى
ولا تكون شكواي موية في غربالي
..
قال لي فيق يا غالى إن تنل شكواك
لي لست أبالى
كلما أطراك العقل يابالى
يا حبيبي البى حنن اليابالى
..
كم وكم قبالى قلبو مشغول بيك
وانت ماك مبالي
آه كلما أطراك لا اعى اقبالى
صرت من البى شخصي كاد يغبالى
..
لامني فيك الوالي واللي ما بيسوى
وكل من يأوى لي
لست اعبأ بى زخرف الأقوال
برضي في التبريح والبكى المتوالي
..
ياعزول اجمالى اهنأ بى رؤياك
خلنى واعمالى
لا حياة الروح لي لولا ما الآمال
خلنى وبلواي انت مالك ومالي
..
يا نسيم لي والى هب من المحبوب
في كلا الأحوال
ها أنا الراجيك واقفا لنوالى
وقفة المرؤوس في رجاء الوالي
..
هاك صافى مقالي يابديع الذات
انت نور امقالى
الجفا يانور العيون لي قالي
هذا لو يرضيك حبذا يا غالى
..

..

..

..

.. حذو ..