..........................................................
اغنية: نسايم الليل
كلمات: الشاعر عمر البنا
الحان وغناء: عبدالكريم عبداللن مختار "كرومه"
اداء: احمد عبدالله البنا "الفرجوني"
........................................................
نسايم الليل زيدينى
بالشذى والطيب عودينى
طال الشوق لى يهون امتى وصالو
..
يا نسايم الليل آنسينى
فى رجوعك لا تنسينى
بى طيب الحب آسينى
من بعد الضر ماسينى
انا برضى عشوق مهما جيوش الحب صالو
..
يا نسايم ما بترعينى
ما بفيدنى شذاك دعينى
لو قصدك لى تعينى
ارجعى بى دمعة عينى
للمعشوق قول ليهو ينوح ونومه عصالو
..
فى الهوى يذداد تمكينى
يا بلابل الدوح حاكينى
فى نواحى دوام شاركينى
فى الحب ابكيك وابكينى
وريهو ده شوق واحكيلو دموع جفني السالو
..
ياحبيبي هواك ضاليني
وبي نار هجراك جاريني
مابسلاك لو ساليني
مالو نفورك ليه وليليني
اصيح مافوق ولي بروق تقرق لالو
..
انت طيفك لامتى يجينى
وفى لذيذ النوم يناجينى
من سهم البين ينجينى
ويبرد نار سجينى
وفؤادى يروق واناجى ملاك طيبه خصالو
..
سلامى بعد تجنينى
عليك وليالى سنينى
بعد شعرى وتفنينى
فى وصفك وعد حنينى
يغشاك مرفوق مع النسام وروحى خلالو
..
..
..
..
.. حذو ..