صالح عبدالسيد "ابوصلاح" .. ظبي الرامه

......................................................................
اغنية: ظبي الرامة
كلمات: صالح عبدالسيد ابو صلاح
غناء: ابراهيم عبدالجليل
....................................................................
يا ظبي رامة الفي الغرف محجور
شلت قلبي معاك و جسمي ليك مهجور
...
مهما طال وجدي ما بصل لي فجور
عقلي شاغلو هواك و الدمع مسجور
..
مين لي وجدي طبيب و المنام مسجور
لا سمح لا عديل مالو حكمك جور
...
ليك خصر قبضة غير قياس معبور
ليك وريد باهي ليك سدير متبور
..
قلبي عارفو معاك في نعيم و حبور
بس منامي الراح أصلو ما مخبور
...
طيف خيالك لوم ما بشيلو خسور
عني إتهجاك بين ظلال و سفور
..
لي لحاظك كم كم كم سيف سهام منثور
من صدير كاسي من نعاس و ستور
...
يا جميل قول لي ديل عيون الحور
أم زهور نرجس في شواطي بحور
..
شتيلها صان خدك بالفصيد مسحور
يا صفا الوجدان من جنان الحور
...
يا خلاصة نور كل زمان و عصور
للنفوس يبدو فيكا كالمنصور
..
النسيم ميال خصرك المخصور
بين عنب فاهك خندريس معصور
...
عد ثواني اليوم عد سنين و شهور
عدو متحريك ديمة بيك مجهور
..
عد حصى و رمال عد نبات و زهور
ليك سلام طاهر في هواك مسحور
...