..................................................
اغنية: من فروع الحنة
كلمات: الشاعر ابراهيم العبادي
الحان: الفنان الحاج محمد احمد سرور
غناء : الفنان التوم عبدالجليل
اداء: اولاد شمبات
..................................................
من فروع الحِنة وزهرة التفاح
هاج بلابل فكري النسيم الفاح
..
الجداول تجري فوق خدودك دُر
والرشيمات بَقّت في اشعة خُدر
يعمي عيني قبلك مانظرت بدر
فوقو ليلاً حالك يعلو غصناً ماح
..
القوام متوازي لاقصر لاطول
والشليخ افعالو تصرُّفات مسطول
ماهو خاتي دا ساند ضهرو في الاسطول
والعيون حُرّاسو وفوق جفونو صِفاح
..
انت روحي وراحي ليك ظمآن غاب
مـا بصرِّح باسمك مابجيب القاب
انت ديسك خدرك ماكِ صيدة غاب
من فوارس حيِّك ليك غابة رماح
..
اختصر افكاري خصرك المعقود
مابيُمس بي كفة لاقميص لاعقود
جاربو ردفاً جاير حلمه ليه مفقود
عذرو واضح صدرك مالبو جوز تفاح
..
خلّي امعن شوفو قول لي ايه يا النور
هل رأيت لك دمية ام دا جام بَنّور
جلّ من انشاها وصاغا شعلة نور
هل دا جيد وقلادة ام نجوم وصباح
..
المعاصم جدلة والكفيفات غوف
والكتيف الهادل بالكفل مشغوف
نايمة او كان صاحية حال جلوس ووقوف
شوفو لاحم ديما ومِنو مالو براح
..
من جمالك فكري انغمس في بحور
هل رأيت لك صيده ام دي من الحور
احترس ياقلبي البواكرالحور
اوع عينيك يبكن من مراض وصحاح
..
يام جبيناً يندي بالحسن نضاح
حالي من دون شرحي مكمل الايضاح
ستي لا تاخديني الغرام فضاح
ود محلق قبلي بي سعيتك راح
..
..
..
..
.. حذو..