صالح عبدالسيد "ابو صلاح" .. القمر المظلل

..................................................
اغنية: القمري المظلل
كلمات: صلاح عبد السيد "ابوصلاح"
الحان وغناء: بشير الرباطابي
اداء: التوم عبدالجليل
..................................................
القمري المظلل بى ورق الأراك
روح لي حبيبي وقولو متين أراك
..
يا الفى قوس حواجبك ناصب لي شراك
بيعك في المحاسن والأرواح شراك
يا الفارم فؤادي يا الضارب ضراك
شيل النوم ورجع قلبي الطاش وراك
..
الدر المنظم عقدك ولا فاك
والعناب مكنتل أم خضرة شفاك
عيد النظره داوى الجرح الما خفاك
الصد والتدلل والهجران كفاك
..
الظبي المروقل جافل بى وداك
يسكر سمعي صوتك من راحة نداك
يا الكاتل عشوقك بهدل بى عداك
عندك جوز قنابل في صديرك هداك
..
الفرع المفرهد في روضة نداك
شعرك ليل وخدك ولع نور هداك
كيف ما تشيل قلوبنا روحي تروح فداك
والردف المرجرج يلعب بى فداك
..
الصدر المقبقب يا الضامر حشاك
من ميلة ضميرك فرع البانه شاك
بى سهم الرشارش جوّ ضلوعي شاك
أصلك لي ودار أعمارنا الله نشاك
..
تايه فكرى عايم في النور الملاك
من بهجة محاسنك كيف اتاملك
عبدالحافظ ابشر حظك تملاك
هل تدرى أب عوارض إنسان أم ملاك
..
يا المن در مخلق كيف انظم صفاك
وين نومي المعلق يا أب طرفا غفاك
عبدالحافظ أصلك نجم الحظ لفاك
عيش بين سرور أتمتع في صفاك
..
يا جدي التمائم ظل الغيم رعاك
راتع في الخمائل قانص ما سعاك
كيف تصطاد قلوبنا وما الشئ الدعاك
ارجع من هزارك جيب قلبي المعاك
..

..

..

..

.. حذو ..