احمد ابراهيم فلاح - غنينى ياحمائم

غنينى ياحمائم


غنينى ياحمائم غنينى صرت هائم

ليلى طال واليل ونامت النوائم

غنينى يالمدلل ونسينى كل لائم

وكفكفى دموعى الهطولة كالغمائم

وعومى فيها زى ماترينى عائم

جفانى ليه حبيبى بحالى ماهو عالم

أم الدلال لهاه وعمل امور مظالم

مادام حليم ولكن على ماهو حالم

هوانا يقضى بينا ويحاكم اللى ظالم

حبيبى من رياضك الليلة زارنى ناسم

عرض على خيالك ياريتنى ليه راسم

حبيبى يوم وصالك تحل بى المواسم

تشوف سرورى زائد وسعدى ثغره باسم

حبيبى لوصالك تجدنى ديمة عازم

واذا التقيت بواشى كن صدود وحازم

لاشئ سوى إشتياقى إليك لى هازم

وبس مناى قربك وليك أكون ملازم

روحى لحبيبى بالله يانسايم

قولى ليه ليه عاشق هواك لروحه سائم

قصد يصون ودادك وللقاك رائم

علمت انه مضنى معنى صاحى نائم