ابراهيم العبادي: سوف محاسن حسن الطبيعه

..................................................
اغنية: شوف محاسن حسن الطبيعه
كلمات:الشاعر ابراهيم العبادي
الحان وغناء: الفنان الحاج محمد احمد سرور
..................................................
شوف محاسن حسن الطبيعة ..تلقى هيبة وروعة وجلال
صاحى شاهد هاهى الطبيعة ..زاهية زاهرة فى زهور ربيعة
دون سواقى نسرف نبيعه .. ما فى شتلة السائم يبيعه
ما فى صيدة انقادت تبيعه .. دون مجالب حسن الطبيعة
لا تصنع صبغة دلال
..
شوف نواحى الوادى الخديره .. والحمائم يشجيك هديره
تلقى بدر التم فى غديره ..دى المحاسن وانا قلبى ديره
صاحى املأ عيناك وديره .. شاهد ايد الصانع القديره
تملأ بهجة وعظمة وجلال
..
فوق هضاب الوادى الوثيرة ..الزهور منظومة ونثيره
عن جمال البدو تبدو سيره ..وعن محاسن البادية الكثيره
والجداول فى حال مسيره ..فى جبينه التل لازى مسيره
والغداير حول الهلال
..
شوف هداك الصيد لجّ شارف ..يرعى ناله الحول المسارف
اوعى من الخور سيله جارف ..ميل شمالك وابرى المصارف
عج على السيال ظله وارف.. دائى بنت البدو وانت عارف
بل شفاى من دائى العضال
..
بهوى يا اخى السكنت براحه .. فى هدوها وعز انشراحه
فى غدوها وساعة مراحها .. بهوى فيها الحيا والصراحه
ما بتجول بكرب خاضبه راحه ..يا اخى بعشق جارة مراحه
فى ربوعه الخلف التلال
..
شوف جمال البدو مو مضاره .. شوف دى صفره الفضحت نضاره
هادى نادى الغامق خضاره ..دون تجندر لهجة حضاره
شوف طبيعة البدو والنضاره .. شئ يعيد الروح فى احتضاره
الخضار والماء والجمال
..
دون فصاده سواك الهك ..والابار ما لمسن شفاهك
بى فظاظه ما فاها فاهك .. فطره ادبك وطبع انتباهك
دون تعلم مثبوت نباهك .. ما بيدروا ديل جهلوا جاهك
الحقيقة بتناجى الخيال
..

..

..

..

.. حذو ..