مصطفي بطران: اطرد الاحلام ياجميل واصحا

..................................................
اغنية: أطرد الأحلام
كلمات: الشاعر مصطفي بطران
الحان وغناء: محمد احمد سرور
..................................................
اطرد الاحلام ياجميل واصحى
قوم نقضى الليل فى ضفاف النيل ننشد الفسحة
..
الغصون ماخدات مع النسيم كسحة
والطبيعة تخيل ثوبها كاسى النيل من جمال كسحة
..
عير كلامى معاك ياجميل لمحة
قوم معاى و ميل قامتك السمحة
..
كل شىء ميسور و الظروف سامحة
منظر النوار يغنى عن انوار و للظلام يمحى
..
لابسة بدرى التم و للنجوم لافحة
شتلة الياسمين مايلة بصفحة
ميلها بيشجيك و من شذاها يجيك كل حين نفحة
..
شوف وجوه الروض باسمة منطرحة
وتضحك الازهار ميتة بى الفرحة
..
شوف طيور منظوم روقة زى سبحة
طايرة كالامال فى الفضاء سابحة
..
فى جوارنا قريب ظلالها جات شايحة
ياخى ما فايتات اظنهن بايتات وفى الرياض صابحة
..
النسايم لو غادية او رايحة
بى ندى الازهار و العبير فايحة
..
و الفروع بتميل بالطرب مايحة
و السواقى تئن بى نغمة الحن صوتها كالنائحة
..
منظر البدرى و بهجته الفاضحة
تبدو ليك فى النيل كالدرر واضحة
..
و الطيور تختال فى الغصون صادحة
و السرور ميل روق و اتخيل كفتة الراجحة
..

..

..

..

.. حذو ..