عمر البنا .. ياحبيبي جفيت

..................................................
اغنية: يا حبيبى جفيت
كلمات: الشاعر عمر البنا
الحان وغناء:عبدالكريم عبدالله مختار كرومه
.....................................................
مالك يا حبيبي جفيت
وبي وصالي وودادي نفيت
..
حارق فؤادي ما لقيت
وبي نظرة منك واكتفيت
مالك يا حبيبي لو كان وفيت
وبي طيف خيالك واختفيت
..
يا المن دلالك ما فضيت
وتعذيبي في حبك رضيت
سجلت نفسي وليك مضيت
ومملوكك أحكم ما قضيت
..
فوق الكواكب حق عليت
غاب البدر وانت انجليت
مهما عظم خطبي وبليت
في حبك اذداد ما سليت
..
من نار هواك بيك التجيت
ومنك التعطف ارتجيت
لو في الخيال لي مرة جيت
كان ضعت وفي الحال نجيت
..
يا درتي الليك انتقيت
وغيرك بديل انا ما لقيت
بيك كم تعبت وكم شقيت
ويا ليلى انا قيس قيس بقيت
..
يا البي صدودك لي فنيت
وايه النظر لو اغتنيت
انا فيك كم آمال بنيت
وهاجرني ما ذنبي الجنيت
..