الجاغريو: للميدان مارقين سوا

للميدان مارقين سوا 
كلمات الشاعر احمد محمد الشيخ الجاغري


للميدان* مارقين سوا .... هوى الليله
شافن العدو انكوى 

يوم الدفاس والدودوا ........ المسقى* في الهامات عوى 
ما ضلوا ما بعرفو الحوى .... وعدوهم يشرب ما روى 

سيوفُن للطغيان دوا ...... وخصيمن ما بشم الهوا
يوم الجبان خاف وانطوى .... أخوى زى صقر الجو خوا

يوم الخيول العركلن ..... فوق الجثث اتكلن
ديل زغرتن ديل ثكلن .... وصقور الجو جن ياكلن 

أماتو قالن لو اللدر .... مالنا بنشوف جسمك خدر*
قال ليهن الدم بنحدر .... وان مت ما تقولن ودر

قالن له اصبر يا المهل ..... حارس البيوت حارس الأهل 
قال ليهن المكلوف* صهل ..... داير الدفاس وسط السهل



المفردات
* الميدان : ساحة الحرب 
* المسقى : السيف 
* جسمك خدر : من كثرة ضرب السيف
* ودر : مات 
* المكلوف : الفرس